Бу атна мәдәният вакыйгаларына бик бай булды. Башкалабыз Казанда 16 нчы Нәүрүз халыкара театр фестивале башланды. Опера җырчысы Федор Шаляпин һәм язучы Максим Горький хөрмәтенә мемориаль композиция ачылды. Россиядә, рус теле һәм Александр Пушкин көне билгеләп үтелде. Пушкинга багышлангна чаралардан иң күләмлесе , милли китапханәдә узды. Анда Татарстанның 267 китапханәсе катнашты. Тәэсирләре белән чарадан Искәндәр Гыйматдинов уртаклашты.
Акция яшьләр һәм балаларны классик әдәбият укырга җәлеп итү өчен барлыкка килгән. Хәзерге гаджетлар дөньясында китап уку – таралган гамәл түгел. Әмма Пушкин әсәрләре бүген дә күңелгә тия.
Акциядә Татарстанның 267 китапханәсе катнашты. «Кышкы иртә», «могҗизалы мизгелне хәтерлим» шигырьләре рус, татар, инглиз, төрек һәм македония телләрендә яңгырады.
Кичне «Мерцание» музыкаль төркеме тәмамлады — назлы көйләргә «Пора, мой друг, пора» һәм «Әгәр тормыш сине алдаса» әсәрләре кушылып тамашачыларның күңелендә мәңгелек онытылмаслык эз калдырды.
Искәндәр Гыймалтдинов, Ленар Хәбибуллин, Татарстан яңалыклары.
