Махсус хәрби операция башлану белән ир — егетләрне шунда озаткач күп кенә гаиләләр ярдәмгә мохтаҗ буып кала. Хәрбиләрнең гаиләләре – ничек яши? Бу хакта алдагы язмада.
Алсу Шалафеева 7 бала үстергән. Улларының берсе махсус хәрби операциядә катнаша. Шушы көннәрдә контракт төзүгә теләк белдергәненә 2 ел тула. Бүгенге көндә солдатның берничә дәүләт бүләге бар. Тик менә ялга кайтып, әнисенә күрсәтә алмый әле. Шулай да улының күңеле әнисе өчен тыныч. Алсу Шалафеева районнан кирәкле ярдәмне алып тора.
Гөлнур Хәләфова шулай ук солдат әнисе. Улын махсус хәрби операциягә җибәргәннән соң, барлык эшләр 82 яшьлек хатын-кыз җилкәсенә төшә. Ай саен аңа ярдәмгә волонтерлар килә. Кышын алар кар көри, ә җәен бакча эшләрендә булыша.
Сүз уңаеннан, җәйнең беренче ике аенда Россия Федерациясе Оборона министрлыгы белән контракт төзүчеләр 700 мең сум алачак. Республика Рәисе Рөстәм Миңнеханов контракт төзергә теләүчеләр өчен түләүләрне 505 мең сумга кадәр арттырды, ул Оборона министрлыгы түләве белән 195 мең сумга өстәп бирелә. Яңа контракт төзүчеләргә бер тапкыр ярдәм күрсәтүнең гомуми суммасы, Татарстан шәһәрләре, районнарыннан һәм предприятиеләреннән ярдәмне дә кушып, миллион сумга кадәр җитәргә мөмкин.
Гөлинә Гыйлмуллина, Ландыш Баниязова, Илүзә Нургалиева, Татарстан яңалыклары, Чаллы.
