Быел Россиядә гаилә елы. Шул уңайдай республикбаызда да төрле чаралар үткәрелә. Раойн авыллар бу эштә аеруча активлык күрсәтә. Әйтик, шушы көннәрдә Саба районында Гаилә фестивале узды. Чарада төрле гаиләләр үз осталыклары күрсәттеләр. Бәйрәмнең иң күңелле мизгелләре алдагы язмада.
Күпереп пешкән ак калач, гаиләне бер табынга җыя. Зал тутырып килгән халык яңа барлыкка килгән гаиләнең олугъ шатлыкларын бүлешкән кунаклар сафында.
Ризалык куллар куеп ныгытылды, алар бүгеннән Садыковлар гаиләсе, моны раслаучы төп документлары кулларында. Олы юлга аяк басуның олы шатлыкларын бүлешеп район исеменнән гаилә көнкүрешендә кирәкле булган зур бүләкләр тапшырылды. Тормыш баллы, татлы мизгелләр белән үрелеп барсын, дигән изге теләкләр белән яшьләр чәкчәк кабул итеп алды. Әлбәттә янда, янәшәдә әти –әниләр булганда гомер итүләре күпкә җиңелрәк. Шуңа да Ания белән, Фаяз тәмле күчтәнәч белән әти –әниләрен дә сыйлады.
Алга яшь гаилә райондагы гаиләләр белән бергә бәйге сафына басты. Бу “Яшьлек” яшьләр үзәгенең “Гаилә җылысы ” проектында оештырылган беренче проектлары.
Һәр эшнең үз остасы була дигәндәй, 5 минутта камыр җәеп, токмач кисүдә сыналу. Катнашучылар дәррәү эшкә кереште, уклаулар кулларда биеп кенә тора. Кулларына күз иярми. Бәйге катнашучысы Рәзинә Абдуллина, вакытка сыешып, икенче булып эшен төгәлләде.
Саба районында төпләнеп калган яшь гаиләләргә юнәлдерелгән күп программалар гамәлдә. Бәйрәм истәлеге итеп һәр гаиләгә агач утыргычлар бүләк ителде. Җырлар бүгенге белән — сагындырган, инде кайтмас балачакны очраштырды.
Алия Галиуллина, Райлә Галәвина, Рәзил Нигъмәтов, Татарстан яңалыклары, Саба районы.
