Республиканың кайбер шәһәр-районнарында яшәүчеләр даруханәләрдә тән температурасын үлчи торган гадәти градусникларның булмавына зарлана. Түбән Камада да даруханәләрдә сатуга чыгарылу белән, мондый градусникларны тиз арада сатып алып бетерәләр икән. Ә бит сезонлы авырулар арткан, өстәвенә коронавирус йогышы куркынычы көчәйгән шартларда, градусникларга күпләр мохтаҗ. Ә даруханәләрдә нигездә кыйммәтле электрон градусниклар гына тәкъдим ителә. Белгечләр моны ни белән аңлата? Проблеманы Түбән Камадагы коллегабыз да өйрәнде
Фармацевтлар белдерүенчә, градусниклар хәзер бик популяр товар. Түбәнкамалылар тән температурасын үлчи торган җайланмаларны киштәләрдән кайту белән алып бетерәләр икән.
Даруханәләрдә градусникларның берничә төрлесе тәкъдим ителгән. Иң популяры – гади терекөмешле җайланма. Шулай ук электрон градусник та бар. Соңгысын да берничә ноктада гына очраттык. Бәяләре төрле. Товарга сорау арту сәбәплеме градусникларга бәяләр интрнет кибетләрдә дә арткан. Мисал өчен гади градусника бәя 500дән алып 800 сумга кадәр. Электрон градусникны 500 сумнан кимрәк бәягә дә очратып була. Фармацевтлар бу күренешне начар вирус килүе һәм суык тию авырулары чоры җитүе белән бәйли.
Р. Сибатова, Р. Ракипов.
