Җәйнең соңгы аена августка да аяк бастык. Бу айда көннәр сүрелүгә барып, басуларда эшнең кайнаган чагы. Халык бу айны борынгыдан ярата. Аны сый-нигъмәтле, туендыручы ай дип йөртәләр.
Эссе һава торышы үсемлекләргә, агачларга да йогынты ясый. Шул уңайдан , Башкалабыз Казанда агачларга һәм чәчәкләргә су сибү режимын көчәйтәләр. Һәр көн бу эшкә 40 берәмлек техника җәлеп ителә. Шәһәр карамагында барлыгы 260 мең агач исәпләнә. Норматив буенча һәркайсына 50 литр су сибү каралган. Бу көннәрдә көндез дә, төнлә дә, су сибү машиналары махсус графикта эшли. Сүз уңаеннан, алар асфальтны да су сиптереп суыта -чөнки югары температура тәэсирендә, юл өслеге үзенең ныклыгын югалтучан була.
