Эшсезлекнең иң югары күрсәткече Татарстанның Лаеш һәм Питрәч районнарында булуы ачыкланды дип хәбәр итте хезмәт, мәшгульлек һәм социаль яклау министры Эльмира Зарипова. Кичә ведомство башлыгы татарстанлылар белән онлайн-очрашу үткәрде.
Эшсезлекнең кискен артуы , беренче чиратта короновирус белән килеп чыккан вәзгытькә бәйле дип аңлатты Татарстан республикасының Хезмәт, мәшгульлек һәм социаль яклау министры Эльмира Зарипова.
Пандемия шартларында балалы гаиләләргә ярдәм итү дә иң борчыган сорауларның берсе. Бу уңайдан июль һәм август айларында 700 меңнән артык балага матди ярдәм биреләчәк.
10 мең күләмендә бирелә торган әлеге акча кайбер гаиләләрнең счетына 1 июльдә үк күчте. Шулай ук он-лайн очрашуда мохтаҗларны эш урыннары белән тәэмин итү дә көнүзәк мәсьләләрнең берсе булды.
Атна саен хезмәт базарына 700 гә якын кеше мөрәҗәгать итә. Ел башынннан бирле җыенысы 12 мең граждан эшкә урнаштырылган.
Гадел Әхмәтҗанов, Регина Сафиуллина.
