Республикабызда эшче һөнәрләргә зур игътибар һәм өстенлек бирелә. Шунлыктан, районнарның уку йортларында, ягъни, техникум, көллиятләрдә һөнәри белгечләр әзерләү мөһим эшләрнең берсе.Саба раойнында белеем бирүче аграр көллияте дә шуның ачык мисалы. Сабадан безнең чираттагы репортаж.
Эш көне башлану белән көллият бинасы тынып кала.Студентлар һәм укытучылар коллективы өчен җанлы тормыш нәкъ менә кабинетлар артында башлана. Барысы да көллият кануннары буенча, йога, сәламәтлек дәресләре, линейка, иртәнге аш, дәресләр, практик күнекмәләр, өстәмә шогыльләр бер- бер артлы үтә тора.
Үзенең тарихи юлын 1980нче елда һөнәри белем бирү училишесы буларак башлаган оешма еллар үтү белән, дөресрәге 2009 нче елдан аграр көллият статусын ала. Биредә бүгенге көндә авыл хуҗалыгында эшләүче белгечләр әзерлиләр.
Көллият механизаторлар, техниклар, хисапчылар, төзүчеләр, пешекчеләр, программистлар белгечлеклекләре буенча белем бирә. Кулына диплом алганнарны авыл хуҗалыгының һәр тармагында да кабул итәләр. Шулай ук башка юнәлешләрдә дә киң мәйдан.Уку йортының матди-техник базасы да елдан-ел тулылана, яңа укыту җихазлары белән баетыла.
Саба аграр көллиятен сайлаган егет- кызлар биредә һөнәри белгечлек үзләштерү белән беррәттән рухи тәрбия дә алып , җәмгыятьтә үз урынын табардай һәм тормышка ныкъ әзерлекле шәхес булып та формалаша. Уку –укыту программасының асылы да шушы нигезгә корылган.
Менә шулай, Саба аграр көллиятендә тәүлекнең һәр сәгате файдалы, нәтиҗәле булсынга көйләнгән.
