Югары уку йортларының кабул итү комиссияләрендә эшләүчеләргә кешеләрне ышандыру көченә ия булырга кирәк. Ләкин абитуриентлар арасында икеләнеп торучылар күп түгел. Күпчелек кеше БДИ буенча җыелган балларына карап, нинди һөнәрне үзләштерергә кирәклеген яхшы белә.
Ольга СидрОва үз тормышын оборона сәнәгате белән бәйләгән. Үзенең бакалавр дипломын ул магистратура белән көчәйтергә булган.
Ә менә Васильево мәктәбен тәмамлаучы Иван һәм Владислава бу югары уку йортын бергә укый алу мөмкинлеге булган өчен сайлаганнар.Югары уку йортларында быелгы яңалык — өстенлекләр системасы булу, абитуриент берьюлы берничә юнәлешне сайлый ала.
Кабул итү кампаниясенә старт бирелде. Әмма абитуриентларның төп дулкыны июльдә генә булачак, ул вакытта чыгарылыш укучыларының күбесе өлгергәнлек аттестатларын кулына алачак. Әмма БДИ нәтиҗәләре буенча аларның өстенлекләрен инде билгеләргә мөмкин. Традиция буенча медицина, айти һәм гуманитар белгечлекләр әйдәп бара.
Юристлар һәм икътисадчылар — абитуриентлар өчен элеккечә үк өстенлекле белгечлекләр. Инженерлык һөнәрләре әле һаман да бәяләнеп бетмәгән. Сәбәбе билгеле: гуманитар фәннәр буенча БДИ бирү, математика һәм физикага караганда, күпкә җиңелрәк. Югыйсә инженер дипломы белән хезмәт хакы да югарырак, көндәшлек тә шактый азрак.
Ания Гыйбадуллина, Инна Данилова, Илдар Галәветдинов, Татарстан яналыклары.
