Республикасының «Эрмитаж-Казан» үзәгендә «Бөек Екатерина. Россия империясенең алтын гасыры» дип исемләнгән күргәзмә ачылды. Күргәзмә ачылышыннан эксклюзив/тарихи экспонатларны хәбәрчебез дә күреп кайтты.
Экспозиция берничә тематик бүлекне үз эченә алган. Үзәк залларында Бөек Екатерина һәм император гаиләсенең башка әгъзаларының мемориаль әйберләре: костюмнар, балалар уенчыклары, асылташлар, корал, мебель предметлары, камейлар, фарфор сервизлар һәм башкалар тәкъдим ителгән.
Күргәзмәнең икенче өлеше экспонатлары Екатерина II патшалык иткән чордагы төп вакыйгалар, һөнәрчелек һәм сәнгать үсеше, үзенә буйсынганнарны агартуга юнәлтелгән императрица реформалары турында сөйли. Экспозициянең бер бүлеге Пугачев бунты турында.
Айрат Сибгатуллин “Казан Кремле” тарихи-архитектура музей-тыюлыгы җитәкчесе
Күргәзмә киң белем бирү программасы белән бергә үрелеп бара. Эрмитаж көннәре кысаларында Казанда күргәзмә кураторы Наталья Бахарева Бөек Екатерина турында лекцияләр циклын укыячак.
Шәһәр халкы һәм кунаклары күргәзмәне 2021 елның 11-нче апреленә кадәр күрә алачак.
