Россия президенты инаугурациясе тантанасы узды. Владимир Путин Россия президенты вазифасына керде. Бу постны ул 2030нчы елга кадәр биләячәк. Үзенең инаугурация чыгышында президент россиялеләргә ышаныч өчен рәхмәт белдерде һәм алга таба да ил позицияләрен ныгытырга вәгъдә итте.
Владимир Путин Алабугада җыелган яңартылган Ауруска утырып килде. Яңа Аурус мотоциклларыннан торган кортеж да бар иде. Инаугурация тантанасы Зур Кремль сараенда министрлыклар һәм ведомство җитәкчеләре, төбәк башлыклары катнашында узды, алар арасында Татартстан Республикасы Рәисе Рөстәм Миңнеханов та бар иде. Бу вазифага керешүнең бишенче тантанасы, һәм алар барысы да җиденче майда узган. Владимир Путин Конституция суды рәисе катнашында илнең төп законын тотып ант сүзләрен әйтте.
Аннан соң Президент кыска мөрәҗәгать белән чыгыш ясады. Ул Россиягә хезмәт итүне бик зур бурыч дип саный. Киләчәктә дә халкының мәнфәгатьләре һәм иминлеге аның өчен барысыннан да өстен булачагын белдерде. Сайлауда Россия гражданнары илнең дөрес юлда икәнен раслады, моны — Татарстан Республикасы Дәүләт Советы депутаты Игорь Бикеев та билгеләп үтте.
мир Путин, илнең барлык төбәкләрендә ышаныч белдергәннәре һәм ярдәм иткәннәре өчен рәхмәтен җиткерде.
Россия авыр чорны лаеклы үтәчәк һәм тагын да көчлерәк булачак. Россия дөньяның күпчелек илләре белән яхшы мөнәсәбәтләр урнаштырырга әзер. Россия үсешендә дистә елларга алга таба ышанычлы дәвамлылык тәэмин итәргә кирәк.
Владимир Путин гасырлык кыйммәтләрне һәм традицияләрне саклап калу төп өстенлек дип атады. «Безнең ил алга ышаныч белән карый, аның халкы бердәм һәм бөек». Дәүләт башлыгы инаугурация чыгышын «бергә җиңәрбез» дигән сүзләр белән тәмамлады.
