Җитди физик активлык күрсәтергә, парашюттан сикерергә һәм, гомумән, үзеңнең көчеңне һәрьяктан сынап карарга. Татарстан егетләре үз теләкләре белән һава десанты гаскәрләренә хезмәт итәргә китте.
Бу егетләр армия тормышына хәзер үк әзер кебек. Республика хәрби комиссары белән аралашканда да, баш киемнәрен чын солдатларча, дөрес киюләре күзгә чалынды.Медицина битлекләрен кигәннәр. Үз сәламәтлекләренә аерым игътибар итәләр.
Хәрби хезмәткә чакырылучылар әхлакый һәм рухи ярдәм алды. Хәрбиләрнең теләкләрен тыңладылар. Армиядә егетләрне җитди бурычлар көтә. Шуларның берсе-Росгвардиячеләрнең җәмәгать тәртибен саклауда катнашу.
Зәңгәр форма Һава десанты гаскәрләрендә хезмәт итүчеләрның горурлыгы.Ул егетләрнең махсус гаскәрләрдә хезмәт үтүен дәлилли. Көчле, физик яктан сәләтле һәм чыдам егетләр генә десантчылар булып хезмәт итә ала.
Татарстан егетләре Россия армиясенең шефлыкка алынган дәрәҗәле гаскәрләрендә дә хезмәт итә. Мәсәлән, Мәскәү Кремленең Президент полкында һәм оборона Министрлыгының Мактаулы сагында. Хәрби хезмәткә чакырылучыларны фәнни ротларга да җибәрәләр.
Вадим Струминский, Ирек Хәмидуллин, Татарстан яңалыклары.
