Донецк һәм Луганск халык республикаларындагы хәл Татарстанда яшәүчеләрне битараф калдырмады. Республиканың шәһәр-район хәрби комиссариатларына Донбасстагы тыныч халыкны якларга барырга әзер торучы яшьләр килә.
Донецк һәм Луганск халык республикаларында яшәүчеләрне
якларга китү теләге белән республика хәрби комиссариатына инде берничә көн яшьләр мөрәҗәгать итә. Бу егетләр Татарстан хәрби комиссариатына килде.
Владимир Путин махсус хәрби операциянең төп максаты итеп инде 8 ел буена Киев режимы тарафыннан мәсхәрәләнеп, кимсетелеп яшәүче кешеләрне яклау дип атады. Хәрби комиссариат вәкилләре яшьләр белән очрашуга чыкты. Алар иреклеләргә шәхси гражданлык активлыгы өчен рәхмәт белдереп, махсус операциядә бары тик тиешле әзерлек үткән контракт белән хезмәт итүчеләрнең генә катнашуларын әйттеләр.
Егетләр тагын бер кат офицерларга теләсә кайсы вакытта ярдәмгә әзер булуларын белодерделәр.
Дмитрий Второв, Владимир Юрков, Татарстан яңалыклары.
