Диңгез унаягы исеме белән аталган уен-сериалы дөньякүләм җәмгыятьтә зур кызыксыну уятты. 90 нан артык илнең турыдан-туры трансляцияләү серверларында иң популяр серил буларак танылды. Бу шаукым Татарстан блогерларын социаль челтәрдә «Игра в татар», ягъни “Татар булу уены” оештырырга илаһамландырган.
Барлыгы алты сынаудан торган уенда Татарстан гына түгел күрше төбәкләрдә яшәүчеләр дә катнаша. Уеннан уймак килеп чыкмаганмы? Алып баручы ни өчен битлек киеп билегесез булып калырга тели? Бу сорауларга җавапны хәбәрчебез Эльвира Фәйзуллина эзләде.
Әлеге кадрлар октябрь аеның иң популяр сериалыннан алынган. Сценарий буенча геройлар турнир уза. Оттырырга ярамый, юкса гомерең белән түләргә кирәк. Шуңа охашаш уенны Татарстан блогерлары да башлап җибәрде, әмма уен тәртибе үзгә. Әлбәттә татар уенында катнашучылар гомеренә куркыныч янамый. Сынауларны узучы тагын бер кат үзенең чын татар булуын раслый.
Берничә көн эчендә уенга ике меңгә якын кеше кушылды. Ә уенның инстаграммдагы аккуантына язылучылар саны 12 меңнән артып китте.
Катнашучылар, сериалдагы кебек үк, әлеге биремнәрне кем бирүен һәм аларны кем бәяләвен белми. Уенны алып баручы исемен әйтми һәм үзен күрсәтми.
Идея авторының кем икәнен ачыклау өчен, уенга «Яңалыклар» хәбәрчесе буларак кушылырга туры килде. Татар квестын булдыручыны таптык, әмма ул әлегә билгесез калырга теләде. Катнашучылар аның исемен финалда гына белә. “Татар уены”нда җиңүчегә ноутбук-трансформер бүләк ителә. Әмма аның өчен алты биремне үтәргә кирәк. Алар төп сериалдагы кебек катлаулы түгел билгеле, өченче биремдә, мәсәлән, катнашучылар мөмкин кадәр күбрәк кеше белән бергә татарча биергә тиеш.
Эльвира Фәйзуллина, Мөршидә Җиһан. Татарстан яңалыклары.
