Эш сәфәре белән Менделеевск районында Дәүләт Советы Рәисе урынбасары, Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов булып кайтты. Данлыклы химик исеме белән аталган шәһәрдә Марат Әхмәтов нинди обьектлар белән танышты? Җавабы — Мөршидә Җиһан репортажында
Эшлекле сәфәрнең максаты — быел ачылуга әзерләнә торган «Мирас» татар гимназиясе концепциясе белән танышу, шулай ук төзелеш эшләренең барышын бәяләү.
Әлегә эчке дизайн эше башланмаган. Шуңа да Марат Әхмәтов үз тәкъдимнәрен керте. Аның фикеренчә, уку елын ялангач диварлар белән башларга ярамый. Уку йорты концепциясен район мәгариф идарәсе башлыгы Рәис Нәҗипов тәкъдим итте. Гимназиягә барлыгы 264 бала кабул ителә. Аларга белем бирү өчен 20 укытучы эшкә алынган. Яңа белем йортының укыту программасына үзенчәлекле өстәмә дәресләр дә бар. 3490
Моннан тыш гимназиядә татарча көрәш секциясе дә ачыла.
Татар драма театры һәм башка бик күп түгәрәкләр оештырылу планнаштырыла. Исегезгә төшерәбез, «Мирас» татар гимназиясе Менделеевскида капиталь ремонт үтә торган 7 нче номерлы мәктәп базасында барлыкка килә. Яңа гимназиядән тыш «Менделеев токымнары» химия-технология лицееның да ачылышы сентябрьдә .
Биредә капиталь ремонт «Аммоний»предприятиесе ярдәме белән үткәрелә. Марат Әхмәтов лицейның проектның тулысынча заман таләпләренә туры килүен һәм аның техник яктан тулысынча җиһазландырылуын билгеләп үтте. «Бу безнең әйдәп баручы төп проектыбыз. Лицей химия комплексы үсеше белән тыгыз бәйләнештә һәм лаеклы алмаш әзерли. Безнең төп максат – Менделеевский шәһәрендә яшьләргә яшәү һәм укуны кызыклы итү», — дип уртаклашты район башлыгы Радмир Беляев.
Мөршидә Җиһан. Татартстан яңалыклары өчен Менделевск районыннан
