Дәүләт Советы Рәисе Фәрит Мөхәммәтшин җитәкчелегендәге Татарстан халыклары ассамблеясенең күчмә Советы, шулай ук чит ил кешеләренең хокук бозулар мәсьәләләрен дә карады. Шлуай ук районда капиталь ремонттан соң заманча яшьләр үзәге ачылды. Алексеевск районыннан — безнең чираттагы реопртаж.
Дәүләт милли сәясәтен гамәлгә ашыру турында бүген Алексеевск районында тәфсилләп сөйләштеләр. Күп нәрсәләр муниципалитет мисалында аңлашылды. Фәрит Мөхәммәтшин җитәкчелегендәге Татарстан халыклары ассамблеясенең күчмә Советы шулай ук чит ил кешеләренең хокук бозу мәсьәләләрен карады. Утырышка кадәр заманча яшьләр үзәге ачылды.
Синергия — барлык җиңүләр өчен төп фактор булып тора. Шуңа күрә алексеевск районында яңа яшьләр үзәген нәкъ менә шулай дип атарга карар кылдылар. Яңартылган бина район яшьләрен җәлеп итү урынына әверелергә тиеш, анда үз мөмкинлекләреңне үстерергә мөмкин.
Лекцияләр, мастер-класслар, онлайн-трансляцияләр, тренинглар. Монда уку аудиториясе дә була. Үз фото — һәм видеостудиясе, махсус җиһазлары, студия утлары һәм фотозонасы булган медиа-лаборатория юнәлешләренең берсе була.
Алексеевск районының милли сәясәте нигезендә, республикадагы кебек үк, һәр халык вәкилләренә – җирле яисә читтән килгән кешеләргә бертигез мөнәсәбәт. 20 дән артык милләт һәм халык вәкилләре әлеге районны үзләренең уртак йорты дип саный. Шуңа күрә үз гореф — гадәтләрен, милли киемнәрен, җырларын һәм милли ашларын горурлык белән тәкъдим итә.
Тынычлык һәм татулык нигезләре кечкенәдән үк салына.
Татарстан — һаман да чит ил кешеләре саны буенча алдынгылар рәтендә. Бу студентлар да, төрле һөнәр кешеләре дә.
Һәр очрашуда төрле халык вәкилләре үз уңышлары белән уртаклаша. Бу юлы Ассамблея Алексеевск керәшеннәренең уңышлы эше һәм традицияләре турында иде.
Алия Галиуллина, Дмитрий Второв, Эдуард Мөхәммәтҗанов, Татарстан яңалыклары, Алексеевск районы.