Халыкара туган тел көне бәйрәменә багышланган чаралар башкалабызда киң колач белән үтте. Аның берсе – “ Әдәби марафон” пирамида мәдәни – күңел ачу үзәгендә меңгә якын китап укучылар катнашында узды. Безнең хәбәрчеләребез әлегә чараны карап кайттылар.Тулырак алдагы язмада!
Пирамида алды гөрләп тора, төрле төбәкләргә сибелеп яшәп бер-берсе белән интернет челтәре аша аралашкан китап сөючеләр шатланып күрешәләр, фотога төшәләр. Әдәби марафон беренче тапкыр 2017 елда оештырыла башлауга карамастан инде 10 тапкыр үткәрелә.
Татар китапларын Башкортстанда, Удмуртиядә, Омск өлкәсендә генә түгел, Австралия белән Германиядә дә яратып укыйлар. Шулай да иң күп укучы район дип,Саба районын атарга кирәктер,чөнки аннан 240 укучы килгән
Быелгы марафонга 6 яшьтән алып – 16 яшькә кадәр булган 307 бала катнашкан. Апас районының Каратун урта мәктәбеннән Сәвия Тимершина үзе белән 40 баланы алып килгән. Миләүшә Мөхәммәтшина китапка мәхәббәтне улында гына түгел күршеләрендә дә уята алган.
Эльмира Нуруллина, Дамир Мөхәмәтханов.
