Cугышчы-интернационалист Илшат Гәрәйхановның батырлыгы турында Түбән Камада яшәүче туганнары 37 елдан соң гына беләләр. Моңа кадәр 20 яшьлек егет билгесез югалганнар исемлегендә була. Илшат хәрби хезмәткә 81нче елда чакырыла, Әфганистанда хезмәт итә. Батырлыгы Кызыл Йолдыз ордены белән бәяләнә. Безнең иҗат төркеме каһарманның бертуган апасы гаиләсендә булып кайтты.
Энесе язган хатларны Алсу Хәдиуллина кадерләп саклый. 81 елда Илшат Гәрәйханов Әфганстанга хезмәт итәргә китә. Бер елдан соң язмалар туктый. Озак та үтми “Билгесез югалды” дигән кайгылы хәбәр килеп төшә. Десантчының әтисе улын гомер буе көтеп яши. Нәтиҗәсез. Хәзер эзләү эшләре белән апасы шөгыльләнә.
Хәзер Әфганстанда Татарстаннан 3 солдат хәбәрсез югалганнар исемлегендә. Экспедиция һаман да бара. Әлеге эшкә Илшат белән бергә хезмәт Алеквсандр Митрофанов кушылгач, күбрәк яңалыклар ачыклана башлый. Десантчы туганнары белән телефон аша аралашып тора.
Документлардан күренгәнчә, соңгы бәрелештә Илшат батырларча һәлак була. Текә кыялар арасыннан агучы елгага егыла, гәүдәсе табылмый. Кызыл Йолдыз ордены белән бүләкләнә. Аңа нибары 20 яшь тула.
