Республика көне-Гаилә бәйрәменә әйләнде. Татарстан башкаласында аны технологик алгарыш буларак та билгеләп үттеләр. Цифрлы технологияләргә багышланган «Татарстанның киләчәге» дигән гаилә фестивале узды. Шулай ук Яңа IT-парк ачылды. Тулырак мәгълүмат киләсе репортажда.
Балалар мониторлар артында утырган арада, ата-аналар аларның уңышларын күзәтә. Бу компьютерларда уйнап утыру гына түгел, ә киберспортчыларның җитди ярышларга әзерләнүе.
Күрше блокта балалар цифрлы эшләнмәләр тәкъдим итә. Алтынчы сыйныф укучылары тәкъдим иткән робот алфавитны өйрәнергә булыша.
Балалар һәм өлкәннәр технопарклары хәзер бер түбә астында. Башкаланың үзәгендә «Башир Рамиев исемендәге ИТ-парк» ачылды.
Цифрлы индустрия-уңайлы шартларда: конференц-зал, бизнес-инкубатор, китапханә, коворкинг, кафе, фитнес залы бар. Ай ти киңлекне ничек яхшырту кирәклеген бергәләп билгеләгәннәр. Эшләүчеләрдән тәкъдимнәр алынган.
45 мең квадрат метрлы Ай ти парк — республикада иң зурысы, ярты елда салынган.
Яңа технопаркка танылган галим һәм конструктор Бәшир Рәмиев исеме бирелде.
Масштаблы проект республикада цифрлаштыру елында гамәлгә ашырылды. Аның төп фестивале мең еллык паркында узды, биредә һәркем яңа цифрлы чынбарлыкка чума алды.
Регина Сафиуллина, Дамир Мухаметханов, Татарстан яңалыклары.
