Татарстан галимнәре автомобиль бензинын ялганнан саклауның яңа ысулын уйлап тапкан. Хәзер бензинны органик буяулар белән маркировкалыйлар, ә җинаятьчеләр аларны үзгәртү алымнарын үзләштергеп өлгергән. Казан милли тикшеренү технология университетында яңа технология кулланырга тәкъдим итәләр. Әлеге яңалык белән хәбәрчебез дә кызыксынды.
Казан
Ерак юлга чыкканда. автомобильгә яхшы сыйфатлы бензин салу бик мөһим. Начар сыйфатлы яки ялган бензин машинаны тиз сафтан чыгара. Фильтр тыгыла. Төзексезлекнең сәбәпләрен ачыклау өчен, машина хуҗасына шактый вакыт һәм акча әрәм итәргә туры килә.
Интершум
Мондый очракларда автомобиль йөртүчеләр өчен заправка бәясе геометрик прогресста үсә. Шуңа күрә алар сыйфатлы ягулык кына кулланырга тырыша. Хәзер бензинны органик буяулар белән маркировкалыйлар. Әмма мошенниклар аларны танылган брендлар стандартларына туры китереп, алдашуны үзләштергән. Автомобиль хуҗаларының акчасын шул ысул белән каералар.
Казан галимнәре чын ягулыкны ялганнан саклауның яңа ысулын тапкан. Индивидуаль цифрлы код ярдәм итә. Алар квант нокталарыннан хасил була. Кристалл үзенең күләменә карап, төрлечә яктыртыла. Мошенниклар бу нурланышны кабатлый алмый.
Квант нокталары нигезендә йөздән артык оригиналь цифрлы кодлар булдырырга мөмкин. Уйлап табуны Казан милли тикшеренү технология университеты химиклары патентлаган. Эшләнмәне Татарстан җитештерүчеләре ягулыгында сынап караганнар.
Казан милли тикшеренү технология университетының физик һәм коллоид химия кафедрасы мөдире Юрий Галәметдинов:
хәзер без патентлау стадиясендә, бәлки, халыкара дәрәҗәдә дә булыр. Тикшеренүләр күрсәткәнчә, без кулланган мондый форматта әлегә аналоглар юк.
Әгәр эшләнмә киң кулланылыш тапса, автомобиль хуҗалары ялган бензин кулланмыйча, шактый отышта булачак. Ягулык җитештерүчеләргә бензинның сыйфатына карата мөмкин булган дәгъвалар бетәргә тиеш. Моның өчен квант нокталары башлангыч була ала.
Казан милли тикшеренү технология университетының физик һәм коллоид химия кафедрасы ассистенты, проект җитәкчесе Дмитрий Сәгъдиев
Әйтик, машианага ягулык салынган, ә машина ватылган. Җитештерүчегә дәгъва белдерелә. Анализ ясарга кирәк. квант нокталары аны төгәл башкарырга ярдәм итә.
Квант нокталарының тагын бер өстенлеге – бензин сыйфатын ачыклаудагы җиңеллек. Сыйфатны билгеләү өчен бер миллилитр да җитә. Өстәвенә, мондый ысул белән маркировакаланган ягулык матуррак та күренә.
…Вадим Струминский, Ленар Хәбибуллин, Татарстан яңалыклары.
