Татарстан экология һәм табигый ресурслар министрлыгында шатлыклы статистиканы китерделәр. Соңгы утыз елда әйлә-тирә мохитка зарарлы матдәләр чыгару 21 процентка кимегән. Профильле ведомство республикада һаваның сыйфатын 16 метеостанциядә күзәтә.
Экология министрлыгының чит кешеләр өчен һәрчак ябык метеостанциясе ишекләрен ачты. Монда барысы да автоматлаштырылган, шунычы сөендерә – соңгы елларда башкалада зарарлы матдәләрнең җитди артуы күзәтелми.
16 стационар, 6 күчмә станциядә экологлар һаваның чисталыгын тикшерә. Шундый метео станцияләр зур сәнәгать предприятиеләре янында да бар. Соңгы утыз елда барлык датчиклар да һава чисталыгының уңай динамикасын теркәп бара.
Экологлар һаваның чисталыгын ЮХИДИ хезмәткәрләре белән бергә күзәтә. Ел саен 11 меңләп автомобильне тикшерәләр.
Бензинның сыйфаты да яхшырды, күпләр газ куллануга күчте. Гадәттә экология өчен аеруча куркынычлы зарарлы матдәләр автомобиль юлларына якын булган станцияләрдә теркәлә.
Һавада зарарлы матдәләр артуның аерым очракларын башка ведомстволар тикшерә. 4 очракта җинаять эше кузгатылган.
Айнур Валиахметов, Дамир Мөхәмәтханов, Татарстан яңалыклары.
