Якташлык көче таулар күчерә. Кәрим Тинчурин исемендәге Татар дәүләт драма һәм комедия театрында Чирмешән районында туып-үскән якташларның бик җылы, күркәм очрашуы булды. Очрашу мизгелләре Мөршидә Җиһан репортажында.
Бәйрәм тантанасы фойеда ук башланды. Әйтерсең лә Чирмешәннең бер өлеше бирегә күченгән.
Килми калып булмый торган очрашуны Казан шәһәрендәге Чирмешән якташлык җәмгыяте оештыра . Эшчәнлегебез елдан ел киңәя ди Раушания Сәүбәнова. Быел Шулай ук Түбән Кама шәһәрендә яшәүче Чирмешәнлеләрнең якташлык җәмгыяте дә очрашу кичәсе оештырырга җыена.
Чирмешән җире бик күп шәхесләргә очарга канат биргән. Алар арасында бик күп һөнәр ияләре бар.
Әлеге очрашуга Чирмешәнлеләрнең генә түгел , ә гомумән татар халкының горурлыгы булган сәнгать әһелләрен яд итеп килүчеләр дә бар.
Хәл-әхвәл сорашкан арада Чирмешәннең чишмә суыннан кайнаган чәен дә эчте, уңаган хуҗабикәләрнең камыр ризыкларыннан да авыз итте очрашуга килгән якташлар. Көтеп алган бәйрәм кадерле була ул.
Күргәзмә –күрке һәр милләтнең үз мәдәни мәйдачыгы булу. Чирмешән районында үзара аңлашып тынычлыкта, татулыкта төрле милләт вәкилләре яши.
Әнә шулай тел-лөгать алмашып яшәүче , эшкә уңган чирмешәнлеләр рәвешен китеп якташларына бәйрәм дә оештыра белә. Очрашуның икенче өлеше район башлыгы Рамил Әйбәтовның якташларын театр сәхнәсендә котлавыннан башланып китте.
Район белән бәйле иҗтимагый чараларны уздыру үзәгендә туган якка биараф булмаган иганәчеләр.
Фоат Гатин, Миндар һәм Фазыл Әгләмовлар, Дмитрий Туманов исеменә бик күп рәхмәт сүзләре әйтте якташлары.
Чирмешән муниципаль районы махсус хәрби операциядә катнашкан чирмешәнлеләргә даими адреслы гуманитар ярдәм күрсәтә Бу юлы да Махсус хәрби операциядә катнашучыларның һәм һәлак булганнарның якыннарына сәхнә түренә чакырып бүләкләр тапшырылды.
Очрашу барышында районның мәдәният йорты каршында эшләп килүче актив иҗтимагый оешмалар сертификатка лаек булды.
Күңелле очрашу бәйрәмендә катнашучы якташларга тагын бер бүләк — “Ай былбылым” спектакле күрсәтелде. Күрәсең аның тарихы да тормыш нинди генә булмасын күңелегез яшь калсын диюгә ишарә.
Мөршидә Җиһан , Фәрит Җәләли. Татарстан яңалыклары.
