Гадәттәгегә караганда салкын май шәһәр территорияләрендә черкиләр үрчүне тоткарлады. Моны Казан федераль университеты галимнәре дә дәлилләде. Мондый хәл 2015 елда да күзәтелгән. Быелгы хәл ничегрәк? Хәбәрчебез ачыклады.
Шәһәр территориясендә сулыклар саны буенча Казан, башка миллионлы шәһәрләр арасында икенче урында тора, безне Санкт-Петербург кына узып китә. Шуңа күрә бездә черкиләр тиз үрчи, өлкәннәр моны яхшы белә.
Казанда быел черкиләр, чыннан да, азрак, бу хакта университет галимнәре сөйләде, дөрес, моңа әлегә аңлатма юк.
Бу юлы, май артык салкын булган күрәсең. Черкиләр үрчү тоткарланды. Хәер, якын көннәрдә аларның тиз үрчеп китү ихтималы да юк түгел. Галимнәр бу очракта үзеңне һәм якыннарыңны ничек сакларга кирәклеген искәртә.
Әгәр дә сез кич йөрергә чыгасыз икән, махсус препаратларны кулланыгыз. Әгәр черкиләр тешләгән очракта, сода эретмәсе рәвешендә менә дигән халык чарасы бар, ул хәлне җиңеләйтә. Әгәр организмда авырлыклар килеп чыкса, табибка мөрәҗәгать итегез.
Булат Шакиев, Александр Решеткин, Татарстан яңалыклары.
