Ворлдскилз милли чемпионатының финал ярышлары киләсе сентябрь аенда ук уза. Ә әлегә катнашучылар үз осталыкларын лабораторияләрдә сыныйлар. Татарстан җыелма командасының электроника компетенциясе буенча күнегүләрен хәбәрчебез дә күзәтте.
Иң мөһиме-электрон схеманы булдыру, дип саный Алмаз Хөснетдинов. Быел ул сайлап алу сынауларын уңышлы узды. Хәзер Алмаз-электроника буенча Россия җыелма командасындагы 4 катнашучының берсе.
Алмаз һәм җыелма команданың башка әгъзалары өчен электрон җайланмалар гомер һөнәргә әйләнгән кебек. Модельләштерү буенча, башка практив дәресләрдә көн саен 8-10 сәгать утыралар.
Күнегүләр җиңел булмаса да, нәтиҗәле. Ярышларда конкурсантларга 3 модульдә — аппарат белән тәэмин итүне проектлау, программалаштыру һәм ремонтлауда үз белемнәрен, күнекмәләрен күрсәтергә туры килә.
Күнегүләр тагын 2 ай дәвам итә. Инде сентябрьдә яшь һөнәр осталары чемпионатының финалы һәм Евразия чемпионаты узарга тиеш.
