Чаллыдагы торак йортларда капиталь ремонт дәвам итә. Быел 214 торак йортта масштаблы эшләр башкару күздә тотыла. Шәһәрдә капиталь ремонт буенча төзекләндерү эшләре тәүлек буе алып барыла. Торак фондны яңарту турында Эльвина Андрова сөйләячәк.
Шәһәр башлыгы эшләр җылыту сезоны башланганчы тәмамланырга тиеш дип белдерде. Быел йортларны капиталь ремонтлауга 1 миллиард 400 мең сум, «Безнең ишегалды» программасы буенча эшләргә 1 миллиард 300 мең сум акча бүлеп бирелгән. Бу акчалар, шул исәптән, төзүчеләргә һәм тәэмин итүче предприятиеләргэ хезмәт хакларына да тотылачак.
Чаллы шәһәре мэры Наил Мәһдиев: «Сыйфатка зыян китермичә эшләргә, шул ук вакытта ашыгырга кирәк. Бернинди ял да булырга тиеш түгел, бу турыда онытып торыйк. Йортларда уңайлыклар булдыру өчен тырышыйк.»
Яр Чаллы Башкарма комитеты җитәкчесенең беренче урынбасары Илья Зуев: «Шулай ук лифт хуҗалыгы буенча да эшләр бара. Бездә быел 95 лифт ремонтланырга тиеш. Көзге чорга барлык эшләр дә тәмамланачак.1 сентябрьгә ремонтланган барлык лифтларны да эшләтеп җибәрәчәкбез.»
ЗЯБ бистәсенең 19/10 йортында фасадны капиталь ремонтлыйлар. Күпкатлы йортта яшәүчеләр ремонтны күптән көткән алар бары яхшы нәтиҗәгә өметләнәлэр.
Фирдәвес Нагуманова: «Өйдә ярыклар бар иде стеналарда. Менә шул ярыкларны хәзер сылагач өйләребез җылы булыр инде. Тышкы яктан да матурлаталар, ерактан ук күренеп торыр матур булып өебез.»
Иске шовларны чистартып, аңа монтаж күбеге тутырганнар. Үәзерге вакытта эшчеләр стенага бетоноконтакт яга, аннан соң җылылык өчен аңа махсус плитәләр ябыштырачаклар. Шуннан соң инде бизәкләү эшләре генә калачак.
Эльвина Андрова.
