Чаллыда яшәүчеләрнең күбесе шәхси машиналарын теләсә кая парковкага куеп калдыра. Бу исә шәһәр халкында канәгатьсезлек уята. Әлеге проблема Чаллыда күптәннән бар, шулай да уңай якка үзгәрешләр күренми. Әлеге проблеманы ничек хәл итәргә мөмкин? Чаллыдагы хәбәрчебез Лилия Гатина ачыклады.Иртәнге сәгать 10. 53 комплекста Эш көне булуга карамастан, газоннарда машиналар төзелгән. Биредә яшәүчеләр кыш буе шундый хәл иде ди.
Машина йөртүчеләр исә, моны ишегалларында урыннар җитмәү белән бәйли. Шулай да кайберәүләр теләгән очракта урын табып була дип саный. Кышын газоннарда парковка оештыру ел саен кабатлана — дип уртаклашты шәһәрнең баш автоинспекторы Радий Кадиков. Әмма ЮХИДИ инспекторларының моның белән көрәшергә хокуклары юк.
Автомобильне газоннарда, балалар, спорт мәйданчыкларында, этләрне урамда йөртү урыннарында калдыру РФ законын бозу булып санала. Әлеге норманы бозган өчен автомобиль хуҗасы административ җаваплылыкка тартыла: физик затка — 2 меңнән 3,5 мең сумга кадәр, вазифаи затларга — 5 меңнән 20 мең сумга кадәр, юридик затларга 50 меңнән 100 мең сумга кадәр штраф салына. Тик хокук бозучыны җәзага тарту кыен, чөнки шул ук АТИ белгечләре һәм муниципаль полиция ЮХИДИ мәгълүматлар базасына керә алмый. Ягъни, автомобиль хуҗасына чыга алмый. Хәзер исә Административ хокук бозулар кодексына төзәтмәләр эшләнгән. Эчке эшләр министрлыгына автомобильчеләр турындагы мәгълүматлар белән төбәк һәм муниципаль чиновниклар белән бүлешергә мөмкинлек бирә. Әлеге үзгәреш 2020 елның 12 мартыннан гамәлгә керә башлый.
