Татарстан президенты Рөстәм Миңнеханов инициативасы белән башланган “Безнең ишегалды” программасы, тулы куәтенә үз эшен дәвам итә. Чаллы шәһәрендә республика программасы буенча беренче объект әзер. Ул шәһәрнең Сидоровка бистәсендә урнашкан. Быел барлыгы биредә 131 торак йорт янында, ремонт көтелә. Шулай ук тиздән Демография» илкүләм проекты кысаларында Мәләкәс аръягынданы “Шаян” балалар бакчасы да үзишекләрен ачачак. Яңа обектлар турында тулырак Чаллыдагы хәбәрчебез Элвина Андрова репортажында.
51 яңа парковка урыны, 43 яктырткыч, матур балалар мәйданчыклары. Бу яңартулар Сидоровка бистәсендәге С-1 йорты янында. Проектны финанслауга 16 миллион 500 мең сум акча бүлеп бирелгән. Биредә 700 артык кеше яши, аларның сүзләренә караганда, ремонт 48 ел көтелгән. Шәһәрдәшләр үзгәрешләрдән канәгать, шулай да эскәмияләр өстәүләрен сорадылар.
Шәһәр ясыйбыз дидегез Сидоровканы, сүзегездә тордыгыз, бик рәхмәт! Алдагы көннәрегездә сәламәтлек телибез, бөтен шәһәр җитәкчелегенә. Безне шулай сөендергән өчен Аллаһы Тәгалә сезне сөендерсен!
Мәләкәс аръягындагы «Шаян» балалар бакчасы да тозелеп беткэн. хәзер объектның әзерлеге турында документларны рәсмиләштерү бара. Август башына мәктәпкәчә учреждениедә 12 төркем оештырылачак. Шунын яртысы ясли булачак. Бүгенге көндә, 195 сабыйның әти-әниләре гариза биргән.
«Шаян» балалар бакчасы мөдире Наталья Грошева «Шаян» балалар бакчасы мөдире : «Мин бигрәк тә 6 яшьтән 7 яшькә кадәр логопед төркеме кирәк булган кешеләрне чакырам. Бездә әле урыннар бар, ә иртәгә бетәргә мөмкин, шуңа күрә Мәләкәс арьягында яшәүчеләргә мөрәҗәгать итәм. Логопед һәркем белән шөгыльләнә, тәрбиячеләр бу белемнәрне ныгыта, бу бик кирәкле дип саныйм.»
Балалар бакчасына 223 млн сум акча бүлеп бирелгән иде. Учреждение 220 балага исэплэнгэн. Тагын ике яңа балалар бакчасында – Мәләкәс аръягында һәм ЗЯБ бистәсенең 19нчы микрорайонында төзелеш эшләре тәмамланып килә. Мәктәпкәчә учреждениеләр балалар өчен август урталарында үз ишекләрен ачачак.
Диана Малярова, Сергей Вильданов.
