Чүпрәле районы оешуның 90 еллыгын билгеләп үттеләр. Кече Ватаннарын зурлаган танылган язучыларны, актерларны, галимнәрне, дәүләт һәм җәмәгать эшлеклеләрен, гади авыл хезмәтчәннәрен олылап искә алдылар. Төбәкнең киләчәктәге һәрьяклы үсеш юлларын билгеләделәр.
Мәдәният сарае залында районның тарихы, бүгенгесе, уңышлары турындагы фильмны йотлыгып карыйлар. Район тарихында һәркемнең үз өлеше.
Район оешкан 30 нчы, сугыш һәм сугыштан соңгы еллар, коллективлаштыру, 70 нче елларда авыл хуҗалыгында алга китеш. Ә 90 нчы елларда, Советлар Союзы таркалганнан соң да, Чүпрәле халкы сынатмады, кырларда, фермаларда тырышып эшләүләрен дәвам иттеләр, үсеш тукталмады. Райондашлар кече Ватаннары турында горурланып сөйли.
Ринат Таҗетдинов Россиянең һәм Татарстанның халык артисты
Район юбилеена иң зур бүләк — Чүпрәле энциклопедиясе. Беркем дә, бер нәрсә дә онытылмый. Энциклопедик басманы классик кануннарга нигезләп, зәвыкьле, эчтәлекле итеп әзерләгәннәр.
Иң яхшы башкаручылар, ансамбльләр татар, чуваш, рус телләрендә якташларына иң яхшы чыгышларын тәкъдим итте. Озак еллар республика Президенты Аппаратын җитәкләгән Әгъзам Гобәйдуллин өчен дә туган телләр һәм халыклар бердәмлеге елында бу зур вакыйга.
Әгъзам Гобәйдуллин Татарстан Муниципаль берәмлекләр советы рәисе, Татарстан Республикасы Президенты Аппараты җитәкчесе
Яшь буынга барлык шартлар һәм мөмкинлекләрне тудыру, авылларны төзекләндерүне дәвам итү, агросәнәгатьне үстерү, үзенчәлекле мәдәниятне саклап калу, балалар тәрбияләү. Болар киләчәктә дә туган якның ныклы нигезе булырга тиеш.
Дмитрий Второв, Ленар Хәбибуллин, Илдар Сафиуллин, Татарстан яңалыклары, Чүпрәле районы.
