Безнең телерадиокомпания Русфонд хәйрия җәмгыяте белән берлектә авыру балаларга ярдәм проектын дәвам итә. Узган атнада сезнең ярдәм белән кечкенә Айгизне дәвалану өчен акча җыелды. Моның өчен барыгызга да зур рәхмәт! Церебраль параличтан интегүче унбер яшьлек Рената Гинатуллинага да булышырга кирәк. Кызга махсус коляска сатып алырга җыеналар.
Ренатаның елмаюы – табиблар, әти-әнисе һәм укытучыларының тырыш хезмәте нәтиҗәсе. Һәр күнекмә — зур казаныш. Кызның мавыгулары күбрәк булсын өчен, аны тулы программа белән эшләүче мәктәпкә күчерергә булганнар.
Ренатаның әнисе Айсылу Гинатуллина: «Рената саннарны белә, чәчәкләрне аера, һава торышының нинди кояшлымы, яки яңгырлымы булуы турында да сөйли ала.»
Кызга барысы да зур тырышлык белән бирелә. Ул церебраль параличтан интегә, тернәкләнү курсларын уза. Табиблар кызны дәваларга булыша. Хәзер аңа яңа иркен инвалид коляскасы кирәк, искесе кысанрак.
Физик күнекмәләр инструкторы Мария Голубь: «Кызның тәненең дөрес торышта булуы мускулларын, буыннарын ныгытырга булышачак. Церебраль паралич диагнозы куелган авыруларга хас өзлегүләрне киметергә мөмкинлек бирәчәк.»
Гаилә 336 мең сумлык колясканы сатып ала алмый. Безнең уртак ярдәм кирәк. 5542 нче номерына ДЕТИ сүзе белән булышырга була. Бер хәбәрнең бәясе-75 сум. Күбрәк өлеш кертергә теләүчеләргә тулырак мәгълүмат безнең телерадиокомпания һәм Русфонд сайтларында.
Регина Сафиуллина.
