Сабый туу һәр гаиләдә көтелгән зур сөенеч. Cаба районында күп еллардан бирле ел башында туган тәүге баланы тантаналы шартларда өенә озату гадәте яшәп килә. Саба районы Мишәбаш авылыннан Хәмитовлар гаиләсе дә нәкъ менә шушы вакыйга шахитләре булдылар.Тулырак Раилә Галәвина хәбәрендә.
Мишәбаш авылыннан Хәмитовлар гаиләсе бүген Саба бала тудыру йортына барысы бергәләп, нәни кызлары Нәзирәне алырга килгәннәр.Өйгә кайту зур шатлык, сөенче.Өстәвенә аларның бәбиләре районның демография тарихын ачып 2021нче елда беренче булып туа. Һәм бу көн 4нче гыйнварга туры килә.Әнҗе үзенең икенче сабыен уңы-юлы белән исән-сау дөньяга китерә.
Хәмитовларның сабый туу шатлыгын уртаклашып бирегә Башкарма комитет җитәкчесе урынбасары Марат Кәримов, ЗАГС идарәсе башлыгы Алсу Шәйхетдинова да килде. Алар гаиләгә район җитәкчелеге исеменнән күп күчтәнәчләр тапшырдылар. Аш су әзерләгәндә хатын-кызның кул алмашы булган бу электр техникаларын Энҗе белән Нәзир шатланып кабул итттеләр.
ЗАГС идарәсе башлыгы матур теләкләрен җиткергәннән сон Эни кешегә кызының туу таныклыгын тапшырды.Шулай итеп аларның 2 яшьлек олы кызлары Нәзилә дә апай булды.
Гаилә башлыгы Нәзир авылда Саба җәмгыяте филиалында хезмәт куя. Әлегә алар әти-әниләре белән бергәләп бер түбә астында яшиләр . Ипотека программасында катнашып үз йортларын салдыру ниятләре бар.Документларын тапшырганнар инде. Гаилә ишәйгәннән соң бу мәсьәлә тизләнер дигән ышанычлары бар.
Сабый туу өлкәннәр өчен икеләтә шатлык.Аларның нәселләре дәвам итә бит.Оныкларын күрергә бүген ике як әби-бабай да килгән.
Саба Бала тудыру йортында туган хәр сабыйны көтеп алабыз , ди табиб, акушер гинеколог Флера Биктова.Яңа елның бүгенге көненә биредә ………… сабый туган.Ел дәвамында бу саннар әлбәттә күпкә үсәр.
Саба бала тудыру бүлегенең 2021нче ел статистикасын ачып җибәргән Хәмитова Нәзирә Нәзир кызының аягы җиңел булсын. Районыбызда ел дәвамында бик күп бәхетле кызлар малайлар тусын.
