Быел “Зур этнографик диктант” Халыкара мәгариф акциясе бишенче тапкыр уза. Акция онлайн режимында бүген башлана, 8 нче ноябрьгә кадәр дәвам итә.
www.miretno.ru
Диктант Россиядә яшәүче төрле халыклар турындагы этнографик белемнәр дәрәҗәсен бәяләү мөмкинлеген бирә. Халыклар бердәмлеге, милләтара иминлек һәм килешү мәсьәләләренә игътибарны күбрәк җәлеп итәргә булыша. Диктант язуда Россиядә һәм чит илләрдә яшәүчеләр катнаша ала. Быел рәсми сайт һәм биремнәр инглиз, испан телләренә дә тәрҗемә ителгән. Зур этнографик диктант биремнәре рәсми сайтта урнаштырылган. Диктант 100 балл белән бәяләнә, ул 45 минутта язылырга тиеш.
Исегезгә төшерәм, узган ел Татарстанда диктантны барлык 45 муниципаль берләшмәдә 105 мәйданчыкта, ә Казанда 13 урында язганнар иде.
