Майның соңгы атнасында, бар дөнья яшелеккә күмелгән вакытта мәктәпләрдә «Соңгы кыңгырау» бәйрәме уза. Елның иң ямьле ае- май да тәмамланып килә.
Инде тиздән балаларның җәйге ялы, чыгарылыш сыйныф укучылары өчен кызу чор, имтиханнар башлана. Быел Татарстанда соңгы кыңгырау 17 меңгә якын укучы өчен чыңлый. Тантаналы линейкалар мәктәпләрдә инде башланды. Дәресләр тәмамланды, алда — чыгарылыш сыйныф укучыларының имтиханнар тапшыру һәм олы тормышка юл салу чоры башлана, ә калган укучыларны мәшәкатьсез, могҗизага тиң җәйге каникул көтә.
