Ел башыннан Татарстанда талпан тешләве аркасында медицина ярдәме сорап 5 мең 525 кеше мөрәҗәгать иткән. Бу узган елгы күрсәткечтән 38 процентка түбәнрәк һәм күпьеллык уртача күрсәткечләрдән артмый. Быел республикада вируслы талпан энцефалиты йоктыру очраклары теркәлмәгән, талпан боррелиозының 4 очрагы ачыкланган.
Быел республикада талпан вирус энцефалитына каршы 6мең 160 кеше прививка ясаткан. Искәртеп узабыз, Татарстанда вируслы талпан эндемияле энцефалиты буенча Казан, Чаллы, шулай ук 28 район бар. Табигатьтә талпаннарга каршы шәхси саклану чараларын үтәргә кирәк: тәнгә тыгыз сыланып торган, капюшонлы, озын җиңле, ачык бер тонлы киемнәрне кияргә киңәш ителә. Ял вакытында зур үләнле күләгәле урында торырга, үләнгә утырырга яки ятып торырга киңәш ителми.Талпан тешләгән очракта яшәү урыны буенча медицина оешмасына квалификацияле ярдәм алу өчен мөрәҗәгать итәргә кирәк.
