Быел Казанда педагоглар өчен ике яңа белем бирү үзәге ачылачак. Бу хакта Татарстан Мәгариф һәм фән министрлыгының матбугат хезмәте хәбәр итә. Әлеге үзәкләр укытучыларның һөнәри осталыгын өзлексез арттыруны, шулай ук педагогларның һөнәри осталыгын һәм квалификациясен бәяләүне күздә тота. Алар «Мәгариф» илкүләм проектының «Киләчәк укытучысы» төбәк проекты нигезендә оештырыла. Үзәкләрнең берсендә укытучылар, шул исәптән онлайн-белем бирү ярдәмендә, үзләренең һөнәри дәрәҗәсен күтәрә алачак. Яңа үзәкләр ачу ярдәмендә алты елдан соң Татарстан мәгариф хезмәткәрләренең һөнәри үсеше буенча илкүләм системага җәлеп ителәчәк.
