Буаның Роальд Сәгъдиев исемендәге мәктәп базасында “Шәҗәрәләр-нәсел агачы” дип исемләнгән төбәкара фәнни-гамәли конференция узды. Быел ул 8нче тапкыр оештырылды. 150дән артык укучыны берләштергән конференция дүрт юнәлештә эшләде. Катнашучыларның 19ы күрше төбәкләрдән иде, алар эшләрен онлайн яклады. Тулырак хәбәрчебез язмасында.
Конференциядә, традицион рәвештә, дүрт юнәлештә эш алып барылды. Шуларның берсе – “Нәселемдә — бөек шәхес” бүлеге. Аксу авылы мәктәбендә белем алучы Искәндәр Гобәйдуллин әтисе ягыннан туган туры килүче сәясәт аксакалы Борһан Шаһидиның тормыш юлын өйрәнгән.
Чувашия республикасыннан килгән Мәрьям Вәлитова да шул ук бүлектә көчен сыный. Күптөрле бәйгеләрдә катнашу тәҗрибәсе булса да, әлеге укуларга беренче килүе.
Төбәкара фәнни-гамәли конференциядә быел 150дән артык укучы катнашты. Башкортстан, Пенза, Ульян, Оренбург, Ярославль һәм башка регионнардан 19 катнашучы фәнни эшләрен онлайн рәвештә яклады.
2008нче елда мәктәп күләмендә уздырыла башлаган әлеге укулар менә инде сигезенче ел төбәкара дәрәҗәсендә үтә. Башлангычында Татарстанның атказанган укытучысы, шагыйрә Гөлнур Айзетуллова тора.
Менә шуннан соң киләчәк буынга шәҗәрә рәвешендә кыйммәтле хәзинә калдыру идеясе туа. Конференциядә катнашучымәктәплеләр бу юнәлештә аеруча зур эш алып бара. Андыйларның саны республикабызда тагын да артыр дип уйларга кирәк.
Алсу Сәмигуллина, Ильнур Кадыйров. Татарстан яңалыклары.
