Сугыш башлану һәм фашизмны җиңү турында хәбәр иткән чор тавышы. Советлар Союзының Бөек дикторы-Юрий Левитан. Аның турында хәтер һаман да яши. Буада яшәүче Фәрих Сафин, аны шәхсән күреп белгән. Армия сафларында хезмәт иткәндә легендар дикторның өч сәгатьлек лекциясендә булган ул. Аның хәтирәләре- адагы репортажда.
1975 елны Җиңүнең 30 еллыгы уңаеннан Мәскәү өлкәсенең Мытыщи шәһәрендәге вагон төзү заводы клубында була бу очрашу. Анда катнашу өчен Мәскәүдә һава юллары гаскәрендә үрнәк хезмәт итүче унбиш солдатны сайлап алалар. Арада – Буа шәһәреннән Фарыйх Сафин да була.
Аның әйтүенчә, әлеге бөек шәхес белән өч сәгатьлек очрашу бер минутлык кебек тоелган. Залдагылар Юрий Левитанның йөрәкләргә үтәрлек тавышы белән сөйләгән һәрбер вакыйгада үзләре катнашкан кебек тойганнар. 45 елдан соң да бу очрашу әсирлегеннән чыга алмаган Фарыйх Сафин Левитан чыгышын өтеренә кадәр хәтерли.
Фарыйх абый үзе дә Юрий Левитан тавышына охшатып сугыш башлану-тәмамлану хәбәрен дә яңгыратып күрсәтте.Левитан чыгышыннан соң Фәрыйх Сафин Бөек дикторның тормышын өйрәнү белән җитди шөгыльләнә. Ә хәзер бу тарихларны балаларга, оныкларына сөйли.
Ранис Әхмәтшин, Сирин Хәсәнов.
