Ул республикакүләмендә беренчеләрдән булып рәсми теркәлү узган Якташлык җәмгыятьләрнең берсе. Өч дистә эчендә ниләр башкарылган ? Иҗтимагый оешма киләчәккә нинди максатлар куя? Әлеге сорауларга хәбәрчебез Мөршидә Җиһан ачыклык кертер.
Ел дәвамында үткәрелгән эшкә хисап буларак Буа якташлык җәмгыяте Казанда зурлап Очрашу кичәсе оештыра иде. Быелгы вәзгыть шартлары юбилей кичәсенә дә төзәтмәләр кертелде. Якташлар җәмгыятькә нигез салучыларны искә алу, тәбрикләү, шулай ук җәмгыять эшендә аеруча зур өлеш кертүчеләрне билгеләп үтү белән чикләнде.
Районның гына түгел республикакүләмендә танылган Камил Зыятдинов, Ислам Әхмәтҗанов, Наил Садыйков, Фоат Гарифуллин кебек шәхесләр нигез салган иҗтимагый оешма тарафыннан Мәгърифәт, нәшрият, хәрби-патриотик тәрбия, мәдәни-агарту һәм хәйрия юнәлешендә дистәләгән проектлар тормышка ашырыла. Шуңа да иҗтимагый ооешма ел саен диярлек «Республиканың иң яхшы якташлык җәмгыяте» исеменә лаек була.
ассоциациясендә
Иҗтимагый оешма буларак, якташлык җәмгыяте үзеннән-үзе генә уйлап табылмаган, ә менә нәкъ тормыш ихтыяҗларыннан туган. Әлеге көндә якташлыкка кече ватанына – туган ягына сагыну хисләре булганнар гына түгел, авыр вакытларда бергә булырга, туган ягына ярдәм итәргә омтылучы кешеләр дә тартыла.
Утыз ел эчендә башкарылган эшләрне санап бетерерлек түгел. Алар арасында югалган авылларга истәлек ташы кую да, авылда эш урыннары булдыру кебек көнүзәк гамәлләр дә, мохтаҗларга ярдәм итү, район тарихына, аның күренекле шәхесләренә багышланган китаплар бастыру эше дә бар. 2022 нче елда гына да мәгълүмати байлыгы белән Татарстанда тиңе булмаган экциклопедия, Бакый Урманчега багышланган берьюлы дүрт китап тәкъдир ителде. Буа якташлык җәмгыяте презденты Ирек Закиров билгеләп үтүенчә болар барысы да район җитәкчелеге белән бергәлектә башкарыла. Юбилярларны котларга Актаныш, Нурлат районнары якташлык җәмгыятьләре җитәкчеләре дә килгән иде.
Буа якташлык җәгыятенең уңышлы эшләвенең әллә ни сере юк, аларның барысын да туган төбәккә, якташларга кулдан килгән кадәр булышырга теләү берләштерә. Быел Иң яхшы якташлык җәмгыяте буларак бирлегән акчаны тулысынча диярлек мобилизацияләнүчеләр хисабына күчерде.
Мөршидә Җиһан, Владимир Юрков. Татарстан яңалыклары.
