Буа раойнында машина төзү заводында яңа килгән кадрларга аеруча зур өметләр баглыйлар
Республикабызда мөһим, заманча заводлар байтак. Буа раойнында машина төзү заводында яңа килгән кадрларга аеруча зур өметләр баглыйлар. Чөнки елдан-ел заманча җиһазлар белән баетылган оешманың киләчәге алар кулында, диләр. Шушы көннәрдә Буадагы хәбәрчбез Рөстәм Әхмәдуллин заводның эш шартлары белән танышып кайтты.
Бу цехта газ җиһазлары өчен материаллар әзерлиләр. Штамповкалаучы Фәнис Сираҗиев металл пластта төрле тишекләр ясый. Моңа кадәр май сыр комбинатында эшләгән. Бирегә ел ярым элек килгән. Шартлар яхшы, ашханәдә түләүгә ташлама бирәләр, шимбә көне эшләсәң, икеләтә хезмәт хакы, ди. Фәнисне иң сөендергәне — эшкә керешкән көннән үк өр-яңа станок артына басуы.
Өлкән оста Ирина Фомина кул астындагы төркемдә төрле һөнәр ияләре хезмәт куя. Белгеч әйтүенчә, соңгы ун елда заводта эш урыннарын яңа җиһазлар белән тулыландыру өстендә күп эшләнә. Ә эретеп ябыштыру өлкәсендә зур адым ясалган.
Әлеге аппарат белән 22 яшьлек Александр Морозов эшли. Егет Буа ветеринария техникумында гомуми төзелеш эшләре бүлегендә эретеп ябыштыручыга укыган. Эш стажы ике елдан күбрәк. Остазы күзәтүе астында лазер белән эретеп ябыштыру җиһазын быел март аенда үзләштерә башлаган. Бүгенге көндә барлык заданиеләрне мөстәкыйль башкара.
Бүгенге көндә коллективны яшь кадрлар белән тулылындыруга тагын да зур игътибар бирелә. Бигрәк тә Буа ветеринария техникумы чыгарылышларын көтеп калабыз, диделәр кадрлар бүлегендә.
Рөстәм Әхмәдуллин, Илнур Кадыйров, Татарстан яңалыклары
