Әнисеннән өйрәнеп калган камыр басулар, тәмле пироглар пешерү аның бүген төп касебенә әверелгән. Бүген үзе үзмәшгуль булып теркәлеп, җирле халыкны тәмле камыр ризыклары белән тәэмин итеп тора.
Авылда аш-су белән шөгыльләнүче бердәнбер эшмәкәр ханым. Закзага тортлар, 5-6 төрле пирог пешерә. Аеруча гөбәдиясен яратып алалар икән.
Авыл җирендә үзмәшгульләрне арттыру буенча сүз район җитәкчелеге белән булган очрашуда да кузгатылды. Бүген авыл җирлегендә 538 кеше яши.3 шәхси эшмәкәр бар, фермер хуҗалыклары терлек, кош-корт асрау белән дан тота.
“Чиста су” программасы буенча 16 чакрымдагы торбалар алыштылырган, мәдәният йортына капиталь ремонт үткәрелгән, ФАП, ветеринария бинасы торгызылган.
Үзара салым программасы да биредә яхшы эшли. Беренче еллардан 200сумнан җыелсалар, бүген әлеге сумма 1меңне тәшкил итә. 2020ел өчен 86% үзара салым акчасын җыйганнар инде.
Ташкичүлеләрнең тагын бер уңай сыйфатларын әйтми мөмкин түгел. Биредә авыл халык гына түгел, ә читтә яшәүче авылдашлары да үзләреннән өлеш кертә.
Ранис Әхмәтшин, Айрат Насруллов
