Мөнәҗәтләр — тарихның иң аяусыз һәм гарасатлы елларында да динебезне сакларга, халык буларак исән калырга ярдәм иткән мәдәни мирасыбызның аерылгысыз бер өлеше.Шуңа да Татарстанда мөнәҗәтләр әйтү белән бәйле бәйге –фестивальләр әледән –әле уздырылып килә. Буа районының Исәк авылында узган конкурстан Мөршидә Җиһан репортжы.
Кунак буларак кайткан башкала мөнәҗәтчеләренең беренче генә чыгыш ясамавы сизелә.
Ансамбль буларак чыгыш ясаучыларның киемнәре үк конкурска җитди каруларына өмет уята. Бу хакта район башлыгы исеменән чыгыш ясаган Илдар Еремеев та искәртте. Катнашучылар да, оештыручылар да ел саен көтеп ала.
Мөнәҗәт конкурсы ел саен Исәк мәчетендә уза. Мәчет ул намаз уку йорты булудан тыш уку-укыту , дини чаралар үтүче мәгърифәт мәркәзе дә булырга тиеш дип белдерде Тимергали хәзрәт Юлдашев.
Үз сүзләрен раслап Сәлах мәчете имам-хатыйбы үзе дә мөнәҗәт әйтте.
Үз эш -гамәле белән үрнәк булганнар гына үз артыннан
башкаларны да ияртә.
Буа якташлык җәмгыятенең бу юнәлеше район мөхтәсибәте хәер-фатихасы белән башланып киткәнгә биш ел.
Чыннан да , халкыбызның күңел байлыгына исең китәр. Аның хәтер сандыгында никадәр, җыр, мәкаль, бәет, мөнәҗәт.
Гаиләдәге кебек үзара теләктәшлек катнашучыларга көч бирә. Иске Шәйморза авылыннан килеп беренче тапкыр гына чыгыш ясаган Илүзә дә каушап калмады.
Иң өлкән катнашучы Зүҗия апа ахирәте Руфия белән килгән.
Тели белгән теләк чынга аша диләр.
Әлеге мөнәҗәтне Түбән Наратбаш авылында яшәп 102 яшендә вафат булган Сафиябану апти язган. Аны башкарган оныгына жюри бертаваштан беренче урын бирде.
Мөнәҗәтләр конкурсында Чувашиянең Татар Сориле авылыннан да катнашучылар булды.
Чыгыш ясаучыларга бәя биргәндә яшь аермасы да , «Күмәк башкару» осталыгы да исәпкә алынды.
Белгәнебезчә, халык авыз иҗаты әхлаклылык, кешелеклелек, намуслылык сыйфатлары тәрбияли. Хәзерге кырыс шартларда бу сыйфатлар югалмасын өчен мондый чараларны ешрак үткәрү шарт.
Мөршидә Җиһан, Владимир Юрков Татарстан яңалыклары.
