Буа районының “Форпост – Правопорядок” үзәге җәмәгать тәртибен саклау буенча республикада иң яхшы эшләүчеләрдән санала. Узган елгы эш нәтиҗәләре буенча әлеге коллектив “Җәмәгатьчелек тәртибен саклау буенча яшьләр оешмаларының иң яхшы үзәге” исеменә лаек булды. Тулырак киләсе язмада.
Районның “Форпост” оешмасы егетләре укуда да, җәмәгать эшендә дә һәрвакыт алдынгы булырга омтылалар. Бүген дә, ярдәмгә мохтаҗ булган тыл ветераннарына ярдәмгә килделәр. Валентина Агафонова гомер буе тимер юл оешмасында хисапчы булып эшли. 87 яшьлек тыл ветераны волонтерлар ярдәменә бик мохтаҗ.
Егетләр бүген пенсионерларның ишегалларындагы бозларын ваттылар, түбә башыннан карларын төшерделәр. Кыштан катып кар күмеп киткән сарай ишекләрен ачтылар.
Бусы инде җәмәгатьчелек тәртибен саклау отрядының 3нче слеты. Укучылар, студентлар һәм эшче төркемнәрдән торган форпост отрядында 500 дән артык егет һәм кыз исәпләнә. Республикадагы зур шәһәрләр белән беррәттән, Буалылар әйдәп баручылар рәтендә. Чираттагы слетта да аларны тәбрикләп уздылар.“Газ җиһазларын һәм газ белән тәэмин итү системаларын монтажлау һәм эксплуатацияләү” бүлегенең 3 курс студенты Илназ Абделнасыйров Бөек Ватан сугышы ветераны Салих Япеев исемендәге премиягә лаек булды. Бу форпост тарихында беренче.
Ранис Әхмәтшин,Сирин Хәсәнов.
