Буа районында чуваш халкының бөек мәгърифәтчесе Иван Яковлевның тууына 175 ел тулу билгеләп үтелде. Юбилей уңаеннан уздырылган мәдәни чарадан Мөршидә Җиһан репортажы.
Үз заманында Буа өязендә 10га якын чуваш мәктәп ачкан мәгърифәтчегә багышланган мәдәни чарага бик зурлап әзерләнгәннәр. Һәрбез милләт үзен уңган булган горурлана. Буа өязендә туган кеше.Тумышы белән Иван Яковлев Күшки авылыннан. Хәзер ул Тәтеш районына керә. Аның дөньяны танып-белүе, аң белемгә тартылуы, Борындык авылыннан башлана.
Нәкъ шул хакта Иван Яковлевка багышланган күргәзмәдә дә тәфсилләп аңлатты Михаил Вериялов.
Музейда гына түгел ә чуваш язма теленә һәм Сембер чуваш укытучылар мәктәбенә нигез салучы исеме — халык күңелендә.
Мәдәни үсеш үзгендә узган бәйрәм тантанасын Буа муниципаль районы башлыгы Ранис Камәртдинов ачты. Районда милли мәгариф эшчәнлегендә актив катнашучыларга рәхмәт хатлары һәм Буа якташлык җәмгыяте исеменнән әзерләнгән истәлекле бүләкләр тапшырды.
“Иван Яковлев юбилеена багышланган бәйрәмдә яшь буын булуы аеруча әһәмиятле “ — дип билгеләп үтте Татарстан халыклары ассамблеясы башкарма комитеты җитәкчесе Константин Яковлев. Һәр халыкның байрак булырлык милли каһарманы бар. Чувашлар өчен Иван Яковлев та шундый шәхес.
Төрле яктан сәләтле укытучылар әзерләгән Сембер мәктәбендә Иван Яковлев. Ульян өлкәсеннән дә зур делегация катнашты бәйрәм тантанасында.
Бергә дус яшәүнең нәтиҗәсе Яшьләр паркы мәйданында да чагылды. Казан шәһәренең Буа якташлык җәмгыяте районда узган мондый төр чараларга һәрвакыт хәерхаклы. Гомумән Буа якташлык җәмгыяте кысаларында башкарылган чуваш милли –чараларына зур бәя бирелде.
Мондый бәйрәм оештыру үзе дә бер үрнәк.
Кунакларга чуваш халкының милли мәдәнияте, киеме, аш-суы тәкъдим ителде. Шулай ук сәхнәдә чуваш теле буенча олимпиадаларда актив катнашучыларга грамоталар, бүләкәр тапшырылды.Бу рәвешле Иван Яковлев чуваш алфавитына о хәрефен кертә. О хәрефенә Ульяновский шәһәрендә һәйкәл дә ачылган. Белүебезчә, әлеге шәһәр аның тормышында төп урын алган. Ульян өлкәсендә 4 телдә, чуваш, татар мордва һәм рус телелләрендә төрле газет чыга. Шулардан Елена Урусметова төрле милләт курчакларын ясап күргәзмә оештырган.
Өмет чуаш телендә дә өмет. Буада оештырылган әлеге чара Иван Яковлевның исемен мәңгеләштерүгә тагын бер этәргеч бирде , өмет уятты. Борындыкта Иван Яковлев укыган мәктәп биналары төзекләндерү мәсьәләсе кузгатылды. Шулай ук Буа якташлык җәмгыяте киләчәктә Буа шәһәренең бер урамына Иван Яковлев исемен бирү тәкъдиме белән җирле хакимияткә мөрәҗәгать итәргә вәгъдә бирде .
Мөршидә Җиһан, Альберт Сафиуллин Татарстан яңалыклары, Буа районыннан.
