16 яшьлек Илфат Исмәгыйлев көнкүрештә кирәкле булган приборларны үзе җыеп кына калмый, алар белән төрле олимпиадаларда катнашып җиңеп тә кайта. Бу вакытларында шигърият һәм сәнгать дөньясына чума. Шигырьләр иҗат итә, аларны сәхнәләрдә сәнгатьле итеп укый. Илфат «Йолдызлык» һәм «Без берге»кебек зур талант конкурсларында берничә тапкыр җиңүче булган. Соңгысы аның күңел халәтенә якынрак. Менә шундый талант иясе булган яшь уйлап табучы янында без дә булып кайттык.
Кибет киштәләрендә берничә мең сум торган йон эрләү машинасын Илфат дәү әнисе өчен җыйя. Аны мөмикн кадәр кул эшеннән азат итәсе килү теләгесанаулы көн эчендә сызымнарын сыза, кирәкле әйберләрне кибеттән сатып ала яки кул астындагы материаллардан ясый.
Илфат Исмәгыйлев: “Мин моны дәү әниемә ясадым. Бу эрләү өчен кечкенә генә станок. Двигателен сепаратордан алдым. Нигезе- текстолиттан. Бу шлифлары – пластмассадан, тимер пычкычы белән кисеп эшләдем.”
Күптән түгел генә Исмәгыйлевлар йортында гадәти булмаган яктырткыч та пәйда булган. Аны да Илфат үзе җыйган. Светодиодлы лампа 11 режимда эшли.Сенсор кнопка һәм телефондагы кушымта ярдәмендә идарә итәргә мөмкин.
Илфат Исмәгыйлев: “Бу лампаны мин үз кулларым белән чясадым.Тышы-плафон.Эчендә күп төрле светодиодлы лампалар.Программасын да үзем яздым.”
Егет чынлап торып шөгыльләнсен өчен аңа барлык мөмкинлекләрне дә тудырганнар. Махсус остаханә ясаганнар. Әти-әнисе сүзләренә караганда, биредә малай төнгә кадәр “югалырга” мөмикн. Билгеле, чираттагы талантлар конкурсына әзерләнмәсә.
Илфат Исмәгыйлев: “Әлегә шигырьләр язган юк. Радиотехника белән шөгыльләнәм. Ә конкурсларга мине әни әзерли. Бергә тестларны язабыз, карыйбыз,бергә әзерләнәбез”.
Мәктәптә технология укытучысы булган әтисе Илфатны уйлап-табуга этәрсә, әнисе татар теле һәм әдәбияты укытучысы буларак, иҗатка рухландыра.
Гөлнара Исмәгыйлева: “Дулкыннар бәйгесенә ул 3 нче сыйныфта укыганда ук республикада беренче урын алып Гала концертны алып барды. “Йолдызлык” фестивалендә катнаша”
Искәндәр Исмәгыйлев:” Әлбәттә,егет кешегә җитмеш төрлде һөнәр дә аз диләр. Ул инде киләчәктә шул юлдан китсә иде. Ул башлаган әйберен ясап бетермичә туктамый.Олимпиадаларда катнашканда миңа сораулар белән еш килә. Мин, әлбәттә, ярдәм итәм”
Тугызынчы сыйныфны тәмамлагач, егет гомуми дәүләт имтиханын тапшырачак. Нинди югары уку йортына керәсе билгеле булмаса да, тормышын ул техника белән бәйләячәген төгәл белә.
Ранис Әхмәтшин, Айрат Насруллов.
