Тавыш бирү участоклары иртәнге сәгать сигездә ачылды. Бу минутларда Татарстан Үзәк сайлау комиссиясендә эшнең кызган чагы. Татарстанда 65 территориаль, 2810 участок сайлау комиссиясе эшли. Республиканың барлык сайлау участоклары, тавыш бирү мөмкин кадәр хәвефсез булсын өчен индивидуаль саклану чаралары белән тәэмин ителгән. Катлаулы санитар-эпидемиологик шартларда тавыш бирү үзенчәлекләре белән хәбәрчебез Мөршидә Җиһан таныштырыр.
Бар яктан да үзгә. Пандемия тәэсирендә хәтта Конституциягә төзәтмәләр кертү өчен тавыш бирү 22 нче апрельдән 1 июльгә күчерелде. Шулай ук тавыш бирүнең төрле мөмкинлекләре файдаланылды. Сайлауга килүчеләрнең сәләмәтлеген кайгырту максатыннан тавыш бирүнең вакыты да берничә көнгә сузылды.
Сайлау участогы комиссиясе рәисе Рәмзия Шәрифиева: «Сайлау комиссиясендә эшләүчеләрнең һәркайсының температурасын үлчибез. Барысы да саклану чаралары белән тәэмин ителгән һәм аларны үтәргә тырышабыз.»
Коронавирус йоктырудан саклау чараларының берсе тавыш биреп чыгучылар белән тавыш бирергә килүчеләрне очраштырмау, алар арасында дистанция тәэмин итү. территория сайлау комиссияләренең барлык әгъзалары да коронавирус инфекциясенә тест ясаткан.
Бу шартларда эшләү сайлау системасы өчен бик җитди сынау. Әмма без шундый шартларда да, җитәкчелек ярдәме белән, республикада сайлау системасын саклап калды. Битлек, перчатка, дезенфекцияләүләр берникадәр мәшакаь тудырга да шунсыз ярамый, барысы да тавыш бирүчеләрнең сәламәтлеген саклау максатыннан эшләнә.
Өйдә тавыш бирү теләге турында кичке сәгать 5кә кадәр хәбәр итәргә кирәк. Сайлау участоклары кичке сәгать 8гә кадәр ачык булачак.
Мөршидә Җиһан, Морат Метшин, Сергей Павлухин.
