«Ялкын» журналы берничә ел дәвамында «Бик матур» дип исемләнгән проект алып бара. Әлеге проект кысаларында кызларны стиль белән киенергә, образлар сайларга өйрәтәләр. Проектның быелгы үзенчәлеге– образларны милли элементлар белән тулыландыру. Чарада алты коллекция тәкъдим ителде. Аларны беренчеләрдән булып Динә Нәҗметдинова күреп кайтты.
“Бик матур” проекты Идел буе халыклары, милли киемнәрен һәм аксессуарларын заманча образларга яраклаштыруны максат итеп куя. Һәрбер хатын-кызның матур, заманча, бүгенге көннең модасына туры китереп киенәсе килә, шул рәвешле стилистка мөрәҗәгать итә.
Стилист сүзе буенча быелгы сезонда зәңгәр һәм яшел төсләр өстенлек ала, беләзекләр һәм муенсалар аеруча образны тулыландырып тора. Әлеге чарада төрле милләт мода бизәкләрен яраклаштырып дефиле үткәрелде.
“Ялкын” җурналы тарафыннан тәкъдим иткән “ Бик матур” проектына студентлар да бик теләп килгәннәр.
Чара дәвамында кунаклар өчен интерактив уеннар, лотерея уйнатылды, бүләкләр тапшырылды.
Динә Нәҗметдинова, Иван Худяков, Татарстан яңалыклары.
