Яңа елга да санаулы гына көннәр калып бара. Шуңа да Татарстан Республикасы Министрлар Кабинетында Яңа ел каникулы чорында урыннарда чаралар үткәрү турында зур брифинг булып узды. Әлеге чарада безнең хәбәрчебез Фәннур Хәсәнов та булып кайтты.
Әлеге сөйләшү бик урынлы иде. Чөнки сораулар бик күп: елны ничек озатабыз, киләсе елны ничек каршылыйбыз, кайда каршылыйбыз, нинди әзерлек белән, Казаныбызга, гомумән, Татарстаныбызга килгән кунакларны ничек ял иттерә алабыз, муниципаль районнар нщрсщ тәкъдим итә, кайда, кайчан чыршы бәйрәмнәре оештырыла, саклану чараларын кем оештыра-барлык сорауларга да биредә төгәл җавап алынды.
Татарстан Республикасының мәдәният, яшьләр эшьләре, мәгариф һәм фән, спорт министрлыклары, туризм буенча Дәүләт комитеты, Казан шәһәре Башкарма комитетының Мәдәният идарәсе вәкилләре үз җаваплылыгындагы сорауларга аңлатма бирде.
Яңа Елны каршылауга әзерлек инде тәмамланып килә. Барыбызга да матур яллар, бәйрәм шатлыгына хозурланырга мөмкинлекләр булачак дигән ышаныч белән чыктык әлеге брифингтан.
Фәннур Хәсәнов, Владимир Юрков, Татарстан яңалыклары.
