Татарстанда өч елга исәпләнгән “Безнең ишегалды” программасы эшли. Аның кысаларында йөзләгән ишегалды ремонтланды һәм алга таба да эш дәвам итәчәк. Төзекләндерелгәннән соң танымаслык булып үзгәргән ишегалларын без дә карап кайттык.
Соңгы 50 ел эчендә әлеге ишегалдында бернинди ремонт эшләре дә үткәрелмәгән. Дөресен генә әйткәндә, ишегалды дип тә атарга тел дә әйләнми иде, хәтта балалар мәйданчыгы да юк иде ди биредә яшәүчеләр .
Әле күптән түгел генә биредә эш кайнап тора иде. Бер ай да үтмәде территорияне танымаслык итеп үзгәрттеләр. Президент программасы буенча Мәскәү районында төзекләндерелгән бу беренче ишегалды, Башкарылган эшләрнең сыйфатын Рөстәм Миңнеханов шәхсән үзе бәяләде.
Машина куяр өчен килеп чыккан низаглар артта калды. Чөнки яңа проект буенча 28 урын булдырылган . Шулай ук ишегалдына заманча яктырткычлар урнаштырылган. Барлыгы Казанның Киров һәм Мәскәү районнарында 2020 елда 71 ишегалды төзекләндереләчәк. 2024 елга кадәр Республика Президенты Рөстәм Миңнехановның “Безнең ишегалды” программасы нигезендә 6775 йорт алды территориясе төзекләндереләчәк.
Гадел Әхмәтҗанов, Александр Шмагин. Владимир Юрков.
