«Безнең бурыч-башкарылган эшләр һәм киләчәккә планнар турында сөйләү». Татарстан Республикасы Президенты Рөстәм Миңнеханов ышанычлы затлар белән очрашуда шулай дип белдерде. Бу – 23 кеше, аларның һәркайсы республика үсешенә зур өлеш кертте. Гамәлдәге Президент ярдәмчеләренә республика халкы белән очрашуларда тәкъдимнәр тупларга кирәк булачак. Алар республика программаларын гамәлгә ашырганда исәпкә алыначак.
Бу залда сәнәгатьчеләр һәм җәмәгать эшлеклеләре, артистлар, педагоглар һәм спортчылар бар. Инде бүгеннән Рөстәм Миңнехановның ышанычлы затлары республика халкы белән очрашулар сериясен башлый. Һәм бу очрашу – башкарылган эшләр турында тагын бер кат сөйләшү өчен яхшы мөмкинлек. Сәнәгать, медицина, мәгариф, спорт, мәдәният. Һәр өлкәдә-масштаблы үзгәрешләр һәм казанышлар. Танылган кардиохирург Ренат Акчурин сәламәтлек саклауда гаять зур үзгәрешләрне билгеләп үтте.
Россия кардиохирургы, ТР Фәннәр академиясенең мактаулы әгъзасы Ренат Акчурин: «Татарстанда сәламәтлек саклау өлкәсендә эшләнгән эшләрнең барысы да клиникаларда күренә, алар дөньяның иң яхшы клиникалары үрнәкләрен күрсәтә – бу Казандагы 7нче Шәһәр хастаханәсе дә, Төбәкара клиник-диагностика үзәге дә, Татарстанның башка медицина учреждениеләре дә. Дөньяның күп кенә хастаханәләре, хәтта шәхсиләре дә, бу дәрәҗәдән калыша. Бу бик яхшы үзәкләр.»
Республика симфоник оркестрының баш дирижеры Александр Сладковский-республиканың мәдәни тормышындагы үзгәрешләр турында сөйләде.
ТР Дәүләт симфоник оркестрының сәнгать җитәкчесе һәм баш дирижеры Александр Сладковский: «10 ел элек, мин республикага килгәндә, барысы да башкача иде. Бу еллар эчендә бик күп вакыйгалар булды. Бүген Казанны һәм Татарстанны бөтен дөньяда беләләр.»
Дөньяда бердәнбер биш тапкыр Гагарин кубогы иясе булган Ак барс капитаны Данис Зарипов спортның һәр татарстанлы өчен күпкә якынаюы турында сөйләде.
“Ак барс “ хоккей клубы капитаны Данис Зарипов: «Без барыбыз да Татарстанның спорт инфраструктурасы ничек үсеш алуын, биредә ел саен күпме спорт объектлары төзелүен күрәбез. Бүген спорт белән шөгыльләнү- үзе бер ләззәт.»
“Безнең эш” Иҗтимагый хәрәкәт җитәкчесе Тимур Сафин гамәлдәге барлык яшьләр программаларын “Мөмкинлекләр Республикасы” дип аталган бер бренд астында берләштерү тәкъдиме белән чыкты.
Гамәлдәге барлык проектлар да максималь файда китерсен өчен барысы да татарстанлылар өчен максималь рәвештә уңайлы, үтә күренмәле һәм ачык булырга тиеш. Бу юнәлештә безгә җитди эшләргә кирәк. Мин беркайчан да яшьләр моннан китмәсен димәдем. Әмма алар кайтырга тиеш! Теләгән бөтен нәрсәне дә төзеп була. Иң мөһиме – биредә яшәргә һәм эшләргә калсыннар.
Ышанычлы затларга мөрәҗәгать итеп, Рөстәм Миңнеханов аларны татарстанлылар белән очрашуларда актив булырга чакырды.
Татартсан Республикасы Президенты Рөстәм Миңнеханов: «Безнең бурыч – башкарылган эшләр һәм киләчәккә планнар турында сөйләү. Республикада һәр юнәлеш буенча күп эш башкарыла, әмма, шул ук вакытта, республикабыз тагын да яхшырак булсын өчен, без нәрсәләр эшләргә яки төзәтергә кирәклеген күрәбез.»
Татарстан Республикасы Президентына кандидатлар арасында шулай ук “Үсеш партиясеннән” Олег Коробченко, «Гадел Россия» партиясеннән Альмир Михеев, «Россия коммунистлары»ннан Альфред Вәлиев, ЛДПР партиясеннән Владимир Сурчилов теркәлгән.
Лилия Жданова Татарстан Яңалыклары
