Ел саен 26 апрель –бөек шагыйребез Габдулла Тукайның туган көнендә Казанда шигърият бәйрәме уза. Шәһәр үзәгенең опера һәм балет театры янындагы Тукай һәйкәле каршына шагыйрьләр, язучылар, галимнәр, яшьләр, Тукай иҗатын сөюче казанлылар, кунаклар җыела. Бу көнне Тукайга багышланган шигырьләр һәм җырлар яңгырый. Шигырь бәйрәменнән хәбәрчебез Фәннур Хәсәнов язмасы.
Бар күңеллелек бөтен дөньяда, бар бер ямь бүген. Нәрсәдән бу? — Мин беләм: бәйрәм бүген, бәйрәм бүген! Хәерле көн, кадерле тамашачыларыбыз. Бүген 26 апрель-бөек Тукаебызның туган көне. Шигырь бәйрәме.
Һәр елны 26 апрель көнне без татар халкының горурлыгы булган бөек шагыйребез Габдулла Тукайның туган көнен билгеләп үтәбез. Елның-елында бу көнне башкалабыз Казанда Тукай һәйкәле янында, Республикабызның барлык районнарында, Рәсәйнең татарар яшәгән барлык төбәкләрендә дә шигырь бәйрәме үткәрелә. Хәер, Тукайның туган көне үзен чын татар дип санаган, милләтен, телен яраткан һәр кеше өчен бәйрәм ул.
Шигърият бәйрәменә килүчеләр Тукай һәйкәленә чәчәкләр куйганнан соң, Бәйрәмнең иң күңелле мизгеле – Татарстанның мәдәният һәм сәнгать өлкәсендәге Габдулла Тукай исемен йөрткән Дәүләт премиясе лауреатларын игълан итү .Татарстан Президенты Рөстәм Миңнеханов имзалаган Указның эчтәлеген яңгырату. Шулай итеп, 2021 елда Тукай премиясе бирелде.
