Казанда Татарстан Республикасы Фәннәрак адемиясенең гомуми җыелышы узды. Республиканың академик берләшмәсе форумында Дәүләт Советы Рәисе, ТР Фәннәр академиясенең мөстәкыйль әгъзасы Фәрит Мөхәммәтшин катнашты. Утырышта Академиянең яңа сайланган әгъзаларына дипломнар тапшырылды, шулай ук Татарстан Республикасы Фәннәр академиясе президенты сайланды. Моннан тыш, Фәрит Мөхәммәтшин В.Е. Алемасов исемендәге Дәүләт премиясе лауреатларын бүләкләде. Җыелышны ачып, Фәннәр академиясенең гамәлдәге Президенты, Дәүләт Советы депутаты
Мәгъзүм Сәлахов 23 июньдә ТР Фәннәр Академиясенең 13 академигы һәм 12 әгъза- корреспонденты сайлануын искәртте. Республикасы Фәннәр академиясенең мөстәкыйль әгъзалары (академиклары) булыпДәүләт Советы Рәисе Фәрит Мөхәммәтшин һәм галим Мидхәт Фәрүкшин билгеләнде. Кайбер күренекле галимнәр һәм практиклар Татарстан Фәннәр академиясенең башка белгечлекләр буенча академиклары һәм әгъза-корреспондентлары булдылар. Республиканың яңа сайланган югары фән вәкилләренә академик дипломнар тапшырганда, Мәгъзүм Сәлахов аларга фәнни эшчәнлекләрендә уңышлар теләде һәм Татарстанның социаль-икътисадый һәм фәнни үсешенә лаеклы өлеш кертүләренә өмет белдерде. Июль аенда республика Россия Фәннәр академиясе академигы, Татарстан Фәннәр академиясенең мактаулы академигы, күренекле галим, Казан җылылык энергетикасы һәм реактив двигательләр төзү фәнни-педагогик мәктәбенә нигез салучыларның берсе В.Е. Алемасовның 100 еллыгын билгеләп үтә. Традиция буенча нәкъ менә шул көнне аның исемендәге Дәүләт премияләре тапшырыла. Премия яшь галимнәргә инженерлык фәннәре
