Саба районында компьютерда программалаштыру белән кызыксынучы 7-8нче сыйныф укучылары өчен ике көнлек укулар үтте. Хакатон исеме белән баручы бәйге юнәлешләрен дә колачлаган бу укуларны Татарстан Республикасы финанс министрлыгы, ИТ-парк вәкилләре алып барды. Барысы 21 егет, кыз эшмәкәрлекне киң җәелдереп, сату, алулар белән эшләүче мобиль кушымталар ясау серләренә төшенде. Аларны эшмәкәрләр каршында яклады. Тулырак алдагы язмада.
Саба районы укучылары ай — ти юнәлешләр белән аеруча кызыксына. Өйрәнергә теләкләре булганнарга даими, укытулар да оештырылып тора. Саба урта мәктәбе базасында узган ай ти программистлар укуларыннан соң хакатон бәйгесе чираттагы шундый проектларның берсе.
Шушы укуларның нәтиҗәсе булып район эшмәкәрләре укучыларга үз бизнесларын интернет киңлекләрендә җәелдерү максатларыннан сату — алулар белән эшли торган мобиль кушымталар ясарга биремнәр тәкъдим итте. Хакатон, дигән сүз команда белән бергәлектә 1 тәүлек эчендә куелган бурычны тормышка ашыруны аңлата. Сәләтле балалар интернат мәктәбе командасы “Акыллы йорт” исеме астында үз эшләрен яклады. Заманча йортларда яшәүчеләр, шундый өйләрдә яшәргә теләүчеләрнең кызыксынуларын колачлаган бу эш тә экспертлар тарафыннан хуплау тапты. Ул бүген мондый эчтәлектәге бердән бер эш буларак та югары бәя алды.
Заман бер урында туктап тормаган кебек, ай ти тармак та зур тизлекләр белән үсештә.
Беренче уңышлар бердәм командаларны бүген үк каршы алды. Аларның мобиль кушымталары баллар белән бәяләнеп урыннар бирелде. Барысына да бүләкләр тапшырылды. Кайберләре җәйге яллар вакытына эшкә чакырулар да кабул итеп алды. Яшьләрне иң канатландырганы ИТ юнәлештә укулар кабаттан сентябрьдә булуы. Анда алар һәр бизнеска кирәк ысул Телеграм Ботлар ясарга өйрәнәчәкләр. Укырга теләүчеләрнең яше чикләнмәгән.
Райлә Галәвина, Ирек Солтанов, Татарстан яңалыклары, Саба районы.
